ඇත්තටම බෙහෙතක් හොයාගෙන ඒවා විද්‍යාත්මකව ( Trial ) සමීක්ෂණ කරලා මිනිස්සුන්ට අතුරු ආබාධ රහිත හෝ අවම මට්ටමේ තියෙන්නේ කියලා තහවුරු කරන්න ඉතාම දීර්ඝ කාලයක් ගත වෙනවා .
කාලයකට කලින් හොයාගත්ත බෙහෙත් වර්ග විශාල ප්‍රමාණයක් Trial කරලා බැලුවේ හිට්ලර්ගෙ සිරකඳවුරුවල . හිට්ලර් තමන්ගේ පාලනය යටතේ යුදෙව් ජාතිකයින්ට බෙහෙත් වර්ග දීලා පරීක්ෂා කරලා බලන්න විද්‍යාඥයින්ට අවස්ථාව ලබා දුන්නා . ඒ නිසා සමාජයට යම් හොඳක් වුණා තමයි . ඒත් ඒ විදියට උන්නත් එකයි මලත් එකයි කියලා මිනිස්සුන්ට බෙහෙත් දීලා Trials කරන්න බැහැ .
අනික කිසිම බෙහෙතක් අවදානම් සහිතව භාවිතා කරන්නත් බැහැ . 1950 1960 ගණන්වල ලෝකයේ රටවල් කීපයක ඇතිවුණු තැලිඩොමයිඩ් ව්‍යසනය ( thalidomide disaster ) මේ ඖෂධ අනිසි ලෙස භාවිතා කිරීමට සාක්ෂි දරනවා . තැලිඩොමයිඩ් කියන්නේ ඖෂධයක් . මේ ඖෂධය භාවිතා කරපු නිසා ඉන් පස්සේ ඉපදුනු දරුවන් විකෘති සහිත දරුවන් බවට පත් වුණා .
ඒ නිසා කිසිම බෙහෙතක් ලෙඩක් ඇතිවුණු පලියට නිෂ්පාදනය කරලා ලෙඩ්ඩුන්ට දෙන්න බැහැ . මේ කෙටි ලිපිය ලියන්න හිතුවේ අපේ සර් මේ ගැන විස්තර කරලා යූටියුබ් එකේ වීඩියෝ එකක් දාලා තිබුණු නිසා . මේ වීඩියෝ එක බලලා යතාර්ථය තේරුම් ගන්න . තේරුම් අරගෙන හිටියා වගේ ගෙදරට වෙලා ඉන්න .
No comments:
Post a Comment