වින බන්ධන විනාශ කිරීම ප්රභල හැකියාවක් සහිත ජලනන්දන පිරිත ආශ්රයෙන් නිර්මාණය කරන ලද මන්ත්රයකි ජලනන්දන දැහැන . මෙය මගින් නීචකුල බන්ධන සහිතව සියලු වින බන්ධන කපා විනාශ කිරීමේ හැකියාවක් තිබේ .
මේ ලිපිය ලියන්න ඕන කියලා වැඩියෙන්ම කල්පනා කරෙත් මම බලන්න ගියපු ගෙවල් බහුතරයක මේ තත්වය වෙලා තියෙන නිසා . මම සරළවම කාටත් තේරුම් ගන්න පුළුවන් විදියට විස්තර කරන්නම් .
ඔන්න ගෙයක් හදනවා . ඒ ගෙයි මැද ලක්ෂය ඉතාම වැදගත් වෙනවා . සමහරු බ්රහ්ම පාදය කියලා මේක නම් කරනවා . එහෙම නම් කරලා කියනවා මේ ගෙයි බ්රහ්ම පාදය පෑගෙනවා ඒ නිසා මේක වැරදියි කියලා . ඇත්තටම මෙතනට කියන්නේ බ්රහ්ම පාදය කියලා නෙවෙයි . බ්රහ්ම පාද දේව පාද මනුෂ්ය හා ප්රේත පාද විදියට පාද බෙදලා දෝෂයක් එන්නේ නැතිවෙන්න ගෙයක් හදන්න නම් ඒ ඉඩම අක්කර ගානක් විශාල එකක් වෙන්න ඕන .
ඔන්න වලව් වගේ තැන් වල නම් මේ වැඩේ හරියට කරන්න පුළුවන් . ඒත් ලිඳ , කුණු වල , ටොයිලට් පිට් එක කියන සෑම අංගයක්ම නැති නිවාස තමයි අද කාලේ තියෙන්නේ . තියෙන්නේ මේවායින් ටොයිලට් පිට් විතරයි . ඒ නිසා මේ නිවාස පාද බෙදීමට බ්රහ්ම දේව කියන පාද ක්රමය ගාවගන්න බැහැ . සහ ගාවගන්න අවශ්යත් නැහැ . ඒ නිසා බ්රහ්ම පාදය කියන වචනය අයින් කරලා අපි පාවිච්චි කරන්න ඕන මධ්ය ලක්ෂය කියන වචනය .
මේ මධ්ය ලක්ෂය නිවසක ඉතාම වැදගත් තැනක් වෙනවා . මොකද ගෙදර සම්පූර්ණ ස්කන්ධය අනුව ගෙයි බර ක්රියාත්මක වෙන්න වැඩි ඉඩක් තියෙන්නේ මේ මධ්ය ලක්ෂය තුල නිසා . මේ නිසා මධ්ය ලක්ෂය මත විශාල ශක්තියක් ක්රියාත්මක වෙනවා . නිවසේ මුළු වලින් පහළට ක්රියා කරන බර නිසා මේ මධ්ය ලක්ෂය තුල ශක්තිය අඩු වැඩි වශයෙන් පිහිටනවා .
මෙන්න මේ නිසා මධ්ය ලක්ෂය නිවසක පැහැදිලි වෙන්න ඕන . ඒ නිසා නිවසේ මධ්ය ලක්ෂයේ , බිත්ති , උළුවහු , බර අධික කණු , පඩිපෙළ , වතුර ටැංකි , නිදන ඇඳන් , ලිප , විදුලි උපකරණ කියන දේවල් සහ බර අධික ගෘහ භාණ්ඩ ස්ථානගත කරන්නේ නැහැ .
දැන් නිවසක මධ්ය ලක්ෂය හොයා ගන්න ඕන ඉස්සෙල්ලම . ඒ නිසා අපි වාස්තු විද්යාත්මක න්යායන් අනුව කරන්නේ නිවසේ විකර්ණ යාවෙන විදියට රේඛා දෙකක් ඇඳලා ඒ රේඛා කැපෙන තැන සලකුණු කරගැනීම . මෙන්න මේ රේඛා දෙකට කියනවා කතිර රේඛා කියලා . ශක්තියට අදාළ රේඛා නිසා ආයෙත් හැඳින්වෙනවා ගිණිකතිර රේඛා කියලාත් .
මේ කතිරය කතුරක ස්වභාවයක් පෙන්නුම් කරන නිසා කටවහරේ හැදිලා තියෙන්නේ මේකට ගිණි කතිරය කියලා . මේ ගිණි කතිරයේ මධ්ය ලක්ෂය තමයි ඇත්තටම වාස්තු විද්යාවේ මධ්ය ලක්ෂය වෙන්නේ . මේ මධ්ය ලක්ෂයේ අර මම කියලා තියෙන දේවල් ස්ථානගත කරන්න හොඳ නැහැ . ඒකෙන් නිවසේ සියල්ලන් ම රෝගී වෙන්න ඉඩ තියෙනවා . මම අත් දැකීමෙන් දැකලා තියෙනවා මම පරීක්ෂා කරපු නිවාසවල ඇත්තටම ඒ තත්වය තියෙනවා .
ඉතින් ඒ නිසා ඔන්න දැන් ඒ නිවස ගිණි කතිරයට අහුවෙලා කියමුකෝ . ඒ වුණාට මේ රේඛාවල උළුවහු බිත්ති වගේ ඕනෑම දෙයක් ස්ථානගත කරන්න පුළුවන් . ඒක කිසිම වරදක් නැහැ . ඒ වුණාට අද වෙනකොට වාස්තු විද්යාව කරන බහුතරයක් අය ගෙවල් කඩලා උඩු යටිකුරු කරනවා මේ රේඛාවල උළුවහු තියෙනවා කියලා . කෙලින්ම කියන්නේ මේ උළුවස්ස ගිණි කතිරයට අහුවෙලා තියෙනවා කියලා . ඒක වැරදියි . මම වැරදි සහ නිවැරදි කියන තත්ත්ව බොහොම පැහැදිළිව රූපයක සටහන් කරලා තියෙනවා වැඩිදුර තේරුම් ගන්න පහසු වෙන්න .
මේ ගිණි කතිරය ඇත්තටම අවශ්ය වෙන්නේ මධ්ය ලක්ෂය හොයාගන්න විතරයි . ඒ නිසා ඒ අඳින ඉරිවල කිසිම තේරුමක් ඊට පස්සේ නැහැ .ඒ නිසා ඔයාලාගේ නිවාස ශක්තිමත්ව හදලා ඊට පස්සේ ඒවා කඩලා විනාශ කරගන්න එපා . මධ්ය ලක්ෂය පිරිසිදුව පාගෙන්නේ නැතිවෙන්න මේසයක් වගේ දෙයක් තියෙන්න හෝ කාමරයක මුල්ලකට වගේ එන්න හෝ නිර්මාණය කරගන්න නිවසේ සැලසුම අඳිනකොටම .
බැරි වෙලාවත් මධ්ය ලක්ෂය නිවසේ විවෘත ස්ථානයක පෑගෙන්න හෝ බිත්ති වලට හෝ උළුවහු වලට අහුවෙලා තියෙනවා නම් ඒ දෝෂය නැති කරන්න ක්රම තියෙනවා . ඒවා වාස්තු විද්යාව ගැන පැහැදිලි දැනුමක් තියෙන කෙනෙක් ලවා ඕන පරීක්ෂා කරවාගන්න . ඒකෙන් නිවස කඩන්නේ නැතුව වෙනස් කරලා නිවැරදි කරගන්න පුළුවන් .
මෙන්න මේ දේත් මතක තියාගන්න . වාස්තු විද්යාව නිර්මාණය කරේ ඍෂිවරු 18 දෙනෙක් විවිධ කාල වලදී තම තමන්ගේ දැනුම එකතු කරලා . ඒ අනුව කාලයත් එක්ක වෙනස් වෙන්න දායක වුණේ මේ විෂයට කිසිම සම්බන්ධයක් නැති අය ඒවා කරන්න පටන් ගත්ත නිසා . මේකට ලොකුම හේතුව වෙන්නේ තමන් දන්නවා කියලා පෙන්නන්න යෑම . අනික තමයි තේරුම් ගැනීමේ වැරදි . දැන් මේ කතිරය වුණත් ගිණි කතිරයට අහුවෙලා තියෙනවා කියනවා . ඒ වුණාට කවුරුවත් දන්නේ නැහැ කතිරයේ කොතනටද අහුවෙන්න හොඳ නැත්තේ කියලා .
මේසන් බාසුන්නහේලා විශේෂයෙන්ම මේ වැඩේ කරනවා . තමන් යම් යම් කරුණු කාරණා ටිකක් හිතාගෙන ඒවා විතරක් නිවැරදිද බලලා ඒ ටික නැත්නම් ඔක්කොම විනාසයි කියලා කියනවා . මේ නිසා නිවාස හදවන අයත් බය වෙනවා . මොකද බාසුන්නහේලා මේ දේවල් දන්නවා ඇති කියලා හිතලා .
දවසක් ඔය විදියට එක මේසන් බාසුන්නහේ කෙනෙක් මම හදලා දුන්නු නැකතට වහලේ මුදුල් ලීය තියන එක ප්රතික්ෂේප කරා . එයාට ඕන කිව්වේ බ්රහස්පතින්දා දවසක් . මම දුන්නේ බදාදා දවසක නැකතක් . මේ නිසා බාසුන්නහේ වෙනස් කරලා අපි වහලේ ලී තිබ්බා . ගෙදර වැඩ ටිකත් කිසිම ප්රශ්නයක් නැතුව අවසන් කරගත්තා .
මේ වගේ අය නිසා විෂයට දුර්මත එකතුවෙලා විෂය බාල්දු වෙලා තියෙනවා මිනිස්සු අතරේ . ඒ ගැන තියෙන්නේ කලකිරීමක් . කොහොම වුණත් අපේ ලිපි එක්ක රැඳෙන්න . විෂයේ තියෙන දුර්මත මේ ඔස්සේ හරි නිවැරදි කරන්න උත්සාහ කරනවා .
තවත් ලිපියකින් හමුවෙමු .
දියුණුවෙන් දියුණුවට පත්වේවා !
ඔබ සැමට සමන් දෙවිඳුගේ පිහිට ලැබේවා !
වාස්තු විද්යාව සම්බන්ධව , වාස්තු විද්යාවට අතපොත් තියන ආධුනික අයට සහ සාමාන්ය කාටත් වැදගත් වෙන මාතෘකාවක් ගැන තමයි අද කතා කරන්න කල්පනා කරේ ....
අභිසම්භිධාන පිරිත රචනා කරලා තියෙන්නේ යක්ෂ දෝෂ , අමනුෂ්ය දෝෂ , ග්රහ දෝෂ සහ නිධන්ගත රෝග දුරු කරන්න පුළුවන් විශේෂ අක්ෂර ඝන පිහිටීමක් මුල් කරගෙන . මේ පිරිත නිතර සජ්ඣායනා කිරීමෙන් මේ දෝෂ දුරු කරගන්න පුළුවන් වෙනවා වගේම තමයි නිවසේ දියුණුව සහ තමන්ගේ දියුණුව උදා කරගන්න පුළුවන් වෙනවා .
අභිසම්භිධාන පිරිත රචනා කරලා තියෙන්නේ යක්ෂ දෝෂ , අමනුෂ්ය දෝෂ , ග්රහ දෝෂ සහ නිධන්ගත රෝග දුරු කරන්න පුළුවන් විශේෂ අක්ෂර ඝන පිහිටීමක් මුල් කරග...
සාමාන්ය ව්යවහාරයේදී භාවිතා කරන ජලනන්දන පිරිතට අමතරව වින දෝෂ දුරු කිරීම සඳහා නිර්මාණය කර තිබෙන ජලනන්දන පිරිත් කීපයක් අතරින් අත්දැකීමෙන් ම සාර්ථක ජල නන්දන පිරිතක් මෙම වීඩියෝවේ අඩංගු වේ . මෙන නිතර ශ්රවණය කිරීම සජ්ඣායනා කිරීම තුලින් ඔබගේ නිවසේ ව්යාපාරික ස්ථානයේ ඇති භූත දෝෂ ප්රේත දෝෂ වින දෝෂ දුරු කිරීමේ බලයක් මෙම පිරිතේ අන්තර්ගතවී තබේ .
සාමාන්ය ව්යවහාරයේදී භාවිතා කරන ජලනන්දන පිරිතට අමතරව වින දෝෂ දුරු කිරීම සඳහා නිර්මාණය කර තිබෙන ජලනන්දන පිරිත් කීපයක් අතරින් අත්දැකීමෙන් ම ස...
විශ්වශක්තිය තමන් වෙත ලං කරගැනීමේ මූලික භාවනා කිරීම්වල මුල්ම භාවනාවක් විදියට මේ භාවනාව හඳුන්වා දෙන්න පුළුවන් . මේ භාවනාව දිනපතා සිදු කිරීම මගින් තමන්ගේ ජීවිතයේ සාර්ථකත්වය සඳහා බලපෑම් සිදු කරන අහිතකර ශක්තීන් විනාශ කර ශක්තිමත් විශ්ව ශක්තීන් ආකර්ෂණය කරගැනීමට හැකි වේ .
විශ්වශක්තිය තමන් වෙත ලං කරගැනීමේ මූලික භාවනා කිරීම්වල මුල්ම භාවනාවක් විදියට මේ භාවනාව හඳුන්වා දෙන්න පුළුවන් . මේ භාවනාව දිනපතා සිදු කිරීම මග...
කඳුළින් අවසන් වන පෙම් පුවතට
හෙට දවසක් නොගෙනෙනු මැන පෙම්වත
මේ මල් යෞවනයේ
හිරකරලනු බැරි සෙනේ හැඟුම් දිය
උතුරා පිටාර යයි
දෙනෝදහක් ඇස්වලින් රිදුම් ලැබ
පෙම් සිත් බලා හිඳියි
උහුලා ගනු හැකි වෙද මේ සෙනෙහස
සිඳී බිඳී යා නම්
සිහිලස රැඳි තුරු ලතා ගුලාවක
සඟවා මා පැතුමන්
පියා සරන්නට එපා බිඟුන් ලෙස
රහසින් දැක අන් මල්
උහුලා ගනු හැකි වෙද ඔබ උණුහුම
නිවී මැකී යා නම්
ගායනය - දමයන්ති ජයසූරිය
තනුව - රෝහණ වීරසිංහ
පද - වසන්ත කුමාර කොබවක
කඳුළින් අවසන් වන පෙම් පුවතට හෙට දවසක් නොගෙනෙනු මැන පෙම්වත මේ මල් යෞවනයේ හිරකරලනු බැරි සෙනේ හැඟුම් දිය උතුරා පිටාර යයි දෙනෝදහක් ඇස්වලින් රිදු...
මුතු මුතු වැස්සේ පට කුඩයේ තනිවෙලා
සුදු මුතු මැණිකේ කොහි යන්නේ සැරසිලා
තෙමි තෙමි වැස්සේ ඇයි ඉන්නේ හිනහිලා
යමු අපි හනිකේ එක කුඩයේ සැඟවිලා
පාලුවේ වැහි බිරමේ තනිවි බලා හිදින්නේ
කාටදෝ පවසන්නකෝ ඔබගේ සෙනෙහේ පුදන්නේ
මා ලැබු සිත් වේදනා ඇයගේ ලොවේ පෙරදිනේ
නෑ මැකි මතකෙන් මගේ එය මා සිතේ දරන්නේ
ජීවිතේ හැම කාලයේ ඔබගේ ලොවේ රැදෙන්නේ
රෑ දිවා දුක හා සැපේ හිඳිමි පලා නොයන්නේ
මේ ලෙසේ තනි ජීවිතේ සැමදා ගෙවා පතන්නේ
ආදරේ පිලිගන්න බෑ යළි මා මුලා නොවන්නේ
ගී පද - බන්ධුල ජයසිංහ
තනුව - සරත් ද අල්විස්
ගායනය - සෝමසිරි මැදගෙදර / චන්ද්රලේඛා පෙරේරා
මුතු මුතු වැස්සේ පට කුඩයේ තනිවෙලා සුදු මුතු මැණිකේ කොහි යන්නේ සැරසිලා තෙමි තෙමි වැස්සේ ඇයි ඉන්නේ හිනහිලා යමු අපි හනිකේ එක කුඩයේ සැඟවිලා ප...
ප්රේම සම්බන්ධතාවයක් ඇතුලේ වගේම විවාහ ජීවිතය වගේ බැඳීමක් ඇතුලේ වුණත් දෙමව්පියන් සහ දරුවන් අතරේත් , රැකියා ස්ථානයේ ඉන්න අපිට හමුවෙන අය සහ අපි අතරේ උනත් ඒ නැත්නම් මිතුරු කණ්ඩායම් තුළ වුණත් අපිට විවිධාකාරයෙන් Toxic Relationship තියෙන අය දකින්න ලැබෙනවා . ඒ වගේ Toxic Relationship තියෙනකොට බොහෝමයක් ගැටලුකාරී සහ ආතතිය ඇති කරන විවිධ අවස්ථාවන්ට මුහුණ දෙන්න අපිට සිද්ධ වෙනවා . අපි ඉන්න අවට Toxic පුද්ගලයන් සිටිනවා කියලා අපිට තනියමම ජීවත් වෙන්න පුළුවන් කමක් නැහැ . ඒ නිසා ඒ වගේ අය එක්ක ගණුදෙනු කරගෙන ජීවත් වෙන්න පුළුවන් වටපිටාවක් අපි අපි තුල සහ අපේ වටපිටාවේ ඇති කරගන්න ඕන . ඒ වෙනුවෙන් අපි සැලසුම් සහගතව අපේ මනස සහ වටපිටාව සකස් කරගන්න ඕන .
කිසිම හේතුවක් නැතුව අපිට රිදවන්න බලා ඉන්න අය එක්ක කටයුතු කරනකොට අපිට ගන්න පුළුවන් හොඳම ක්රියාමාර්ගය වෙන්නේ එයාලා වෙනුවෙන් කිසිම ප්රතිචාරයක් දක්වන්නේ නැතුව ඉන්න එක . ඒ කියන්නේ එයාලා අපිට රිදවනකොට සහ අපිව අපහසුතාවයට පත්වෙන්න වැඩ කරනකොට ඒ වගේ දේවල් වෙනුවෙන් ප්රතිචාර දක්වන්නේ නැතුව අපේ මානසික සුවතාවයට සහ සතුටට මුල් තැන දීලා අපේ වැඩ වලට පූර්ණ අවධානය දීම අපි කරන්න ඕන .
Toxic අය මැද කොහොමද ජීවත් වෙන්නේ කියලා අපි සරල පියවර කීපයකින් ඉගෙන ගනිමු .
ප්රේම සම්බන්ධතාවයක් ඇතුලේ වගේම විවාහ ජීවිතය වගේ බැඳීමක් ඇතුලේ වුණත් දෙමව්පියන් සහ දරුවන් අතරේත් , රැකියා ස්ථානයේ ඉන්න අපිට හමුවෙන අය සහ අ...
ගෙරවීම් දත් සැපීම් කෙඳිරීම් නන් දෙඩීම් ඒ මේ අත පෙරළීම්වලින් තොරව සුවසේ නින්දයාම.
කෙඳිරීම් ඈනුම් ඇරීම් ඇඟමැලි කැඩීම් ආදියෙන් තොරව පද්මයක් පුබුදුවන්නාක් මෙන් සැපසේ නින්දෙන් අවදිවීම.
සර්පයන්ට සොරුන්ට ඇතුන්ට සතුරන්ට හසුවීම් ආදී භයානක සිහින නො පෙනීම.
දකින දකින සැමට ම ප්රියවීම.
මිනිසුන්ට පමණක් නොව දෙවියන්ට ද ප්රියවීම.
දෙවියන් විසින් ආදරයෙන් ආරක්ෂා කරනු ලැබීම.
ගින්නෙන් විෂෙන් හා ආයුධවලින් ද අනතුරු නො වීම.
වහා සිත සමාධි වීම.
මුහුණ පැහැපත් වී බැබලීම.
නොමුළාව කාලක්රියා කරන්නට ලැබීම.
ඒ ජාතියේ ම රහත් නූවහොත් බ්රහ්මලෝකයේ ඉපදීම.
ගෙරවීම් දත් සැපීම් කෙඳිරීම් නන් දෙඩීම් ඒ මේ අත පෙරළීම්වලින් තොරව සුවසේ නින්දයාම. කෙඳිරීම් ඈනුම් ඇරීම් ඇඟමැලි කැඩීම් ආදියෙන් තොරව පද්මයක් පුබ...
හිතුවෙවත් නැති දවසක
හිතන්නැතුවම ළංවුනා
අතීතයේ දුර ඈතක
ආදරේ මග වැරදුණා
අපි අපිම අද ආයෙම
හමුවුණා ඒ පාරෙම
අපි හමුවුනා ඒ පාරේම
මල් යාය මැලවුණා
මල් දෙවැට හැඩිවුණා
සමනල්ලු ඉහ හැරුණු අත ගියා
අපි ආයේ නොයනා නිසා
නිල් අහස කලු වුණා
ඉකිගගහා වැලපුණා
කදුලින්ම පිරුණු වැව බොරවුනා
අපි නිතර ආවගිය තැන නිසා
ගී පද - ප්රගීත් විජේසූරිය
සංගීතය - ශාලිත මහේෂ් සහ සංඛ
ගායනය - ශාලිත මහේෂ් සහ සංඛ
හිතුවෙවත් නැති දවසක හිතන්නැතුවම ළංවුනා අතීතයේ දුර ඈතක ආදරේ මග වැරදුණා අපි අපිම අද ආයෙම හමුවුණා ඒ පාරෙම අපි හමුවුනා ඒ පාරේම මල් යාය මැලවුණ...
හිමින් සැරේ පියා විදා
සුමුදු සයනේ සිනිඳු ඇතිරිල්ලෙන්
පලා ඇවිත් සිතුම් සියොතුන්
සුමුදු සයනේ සිනිඳු ඇතිරිල්ලෙන්
මලක් නම් එය මලක් වුව මැන
සිනිඳු සුකොමල රුවෙන් සරසන
විලක් නම් එය විලක් වුව මැන
නීල ඉඳුවර දියෙන් උපදින
නැවුම් වත්සුනු රොනින් මත් වී
සිහින නිම්නය සුපුෂ්පිත වෙයි
සිහින් හඬකින් මහද අමතයි
මුදා හැරදා පවුරු සිරි යහනේ
පද රචනය:- ධර්මසේන පතිරාජ
සංගීතය:- ආචාර්ය ප්රේමසිරි කේමදාස
ගායනය:- ටී. එම්. ජයරත්න සමග සුනිලා අබේසේකර
හිමින් සැරේ පියා විදා සුමුදු සයනේ සිනිඳු ඇතිරිල්ලෙන් පලා ඇවිත් සිතුම් සියොතුන් සුමුදු සයනේ සිනිඳු ඇතිරිල්ලෙන් මලක් නම් එය මලක් වුව මැන සින...
දෙවැට අයිනේ මල් පිපෙන්නේ පුංචි නංගිලාටයි
නංගිලා ඒ මල් නෙලන්නේ මාලයක් ගොතන්නයි
සුවද මල් වලින් ගොතන මාලා පුංචි මල්ලිලාටයි
මල්ලිලා ඒ ගෙල දමන්නේ ආදරේ ලබන්නයි
සියුමැලී මල් පිපි පාට පාටින් සැරසෙතී
ඇයි ලොවේ පිපුනේ කියා සුවද මල් නොඅසතී
බට ගහේ අතු අත වනන්නේ පුංචි මල්ලිලාටයි
මල්ලිලා ඒ බට නෙලන්නේ බට නලා හදන්නයි
හදවතේ සුසුමන් නැගෙන්නේ ඒ නළා වයන්නයි
බටනලාවේ ගී ඇසෙන්නේ ආදරේ කතාවයි
බට ගහේ සිදුරකින් හදවතේ සුසුමකින්
නැගෙන ගී රාවයෙන් මියුරු වෙයි අප සවන්
දෙවැට අයිනේ මල් පිපෙන්නේ පුංචි නංගිලාටයි
නංගිලා ඒ මල් නෙලන්නේ මාලයක් ගොතන්නයි
සුවද මල් වලින් ගොතන මාලා පුංචි මල්ලිලාටයි
මල්ලිලා ඒ ගෙල දමන්නේ ආදරේ ලබන්නයි
සියුමැලී මල් පිපි පාට පාටින් සැරසෙතී
ඇයි ලොවේ පිපුනේ කියා සුවද මල් නොඅසතී
ගායනය : භද්රජි මහින්ද ජයතිලක සමග සමිතා එරන්දතී මුදුන්කොටුව
සංගිතය සහ තනුව : භද්රජි මහින්ද ජයතිලක
පදරචනය : භද්රජි මහින්ද ජයතිලක
දෙවැට අයිනේ මල් පිපෙන්නේ පුංචි නංගිලාටයි නංගිලා ඒ මල් නෙලන්නේ මාලයක් ගොතන්නයි සුවද මල් වලින් ගොතන මාලා පුංචි මල්ලිලාටයි මල්ලිලා ඒ ගෙල දමන්...
මන්දාරම් හීන මානා
මං ගාවින් ඈත පේනා
කඳුළැල් මැවෙනා
සේයාවකී..
රෑ තුන් යම පාර පාරා
මතකය නුඹ දෑස පේනා
මං මත් කරනා
උන්මාදිනී..
මායා රෑ යාමේ නෑවී
ඔබෙ රූ අඳුරේ දිලිසේවී
හිනෙක මා යාවී පාවී
ප්රේමාදරී..
සඳගන රෑ අහසේ යාවී
තරු මං අතුරා හිනැහේවී
නිදි නැති ගීයක මිමිණේවී
ස්වේතාදරී...
නොදැනී ඔබ - නොරැඳී ළඟ
මා හීන මවා
නොයනා හිත - රහසේ අද
පැතුමන් පාරා..
රිදුමන් හදේ යාවෙලා
ඔබ ආලයෙන් වෙන්වෙලා
දෑසින් කී ඒ කතා දැන් නෑසීලා..
මායා රෑ යාමේ නෑවී
ඔබෙ රූ අඳුරේ දිලිසේවී
හිනෙක මා යාවී පාවී
ප්රේමාදරී..
සඳගන රෑ අහසේ යාවී
තරු මං අතුරා හිනැහේවී
නිදි නැති ගීයක මිමිණේවී
ස්වේතාදරී...
ගීපද - දිල්ශාන් ගාල්ලගේ
සංගීතය - සමිත් රවිශාන්
ගායනය - නොහිම් ධනවර්ධන
මන්දාරම් හීන මානා මං ගාවින් ඈත පේනා කඳුළැල් මැවෙනා සේයාවකී.. රෑ තුන් යම පාර පාරා මතකය නුඹ දෑස පේනා මං මත් කරනා උන්මාදිනී.. මායා රෑ යාමේ නෑ...
ගුරුකම් කියන මාතෘකාවේ අඳුරු පැතිකඩක් විදියට මම සලකන ඇඟේ වින දෝෂ රැඳීම නිසා ඇතිවෙන දෝෂ අයින් කරන්න ගන්න මන්තරයක් තමයි විනරාජ මන්ත්රය කියලා කියන්නේ . වින දෝෂ ඇඟේ රැඳෙනවා කියලා කියන්නේ මෙන්න මෙහෙම දෙයක් .
කෙනෙක් වශියක් , ඉනාවක් , විනයක් , හූනියමක් , නීචයක් වගේ ගුරුකමක් කරලා ඒක මතුරාගෙන එන සීනි , ලේ , මිනී අළු , කිරි , බුලත් , ලුණු , වගේ ඕනෑම ආහාර වර්ගයක් ආහාරයට ගත්තම මේක බඩේ ගිහින් යම් තැනක තැම්පත් වෙනවා . ඒක තමා ගුරුකමේ අවශ්යතාවය වෙන්නේ . එහෙම තැම්පත් උනාම එතන බඩවැලේ ක්රියාකාරීත්වය අඩුවෙලා ගිහින් හරියට අවශ්ය දේ කරගන්න බැරි වෙනවා . මේ නිසා නිතර නිතර බඩේ ඉඳිකටු අනිනවා වගේ දැනෙනවා , ආහාර දිරවීම අඩු වෙනවා , පෝෂණය උරා ගැනීමත් දුර්වල වෙනවා . වමනය ඔක්කාරය එන්න ඉඩක් තියෙනවා . ඒ වගේම තමයි මල පිටවීම දෝෂ සහිත වෙනවා . ඒ කියන්නේ නිතර නිතර මල පිට වීම , මල දියර ආකාරයෙන් පිට වීම වෙන්න පුළුවන් .
මේ නිසා කාලයක් යනකොට බඩේ මේ බැඳිලා තියෙන දේ නිසා පිළිකා තත්වයක් ඇතිවෙන්න හේතු ඇතිවෙනවා . ඒ නිසා මන්තරේ භාවිතා කරන්න කලින් කියන්න ඕන තමන් ඇදුරෙක් නම් විෂයේ තිබුණ පළියට කිසිම දෙයක් මතුරලා කන්න දෙන්න එපා තමන්ගෙන් සේවාවන් සපයා ගන්නා අයට . හොඳක් උනත් , නරකක් උනත් බඩේ මේ දේවල් තැම්පත් වෙන නිසා කවදා හරි ගුරුකමට ලක්වෙන පුද්ගලයා දුක් විඳලා තමයි මැරෙන්නේ . ඒ නිසා සල්ලි උපයාගන්න කිසිම දෙයක් ඇඟේ රැඳෙන්න දෙන්න එපා .
මේ මන්ත්රය අතහදා බලලා තියෙනවා මම ඕන තරම් ඇඟේ වින අයින් කරන්න . ඒ නිසා විශ්වාසයෙන් පාවිච්චි කරන්න පුළුවන් .
ඇඹුල් පහ , වතුර , දෙහි , ලෙමන් , තැඹිලි , කුරුම්බා , හීනටි හාල් කැඳ , කියන මේ ඕනෑම දෙයක් මන්තරෙන් පන තියලා ජීවම් කරාම ඇඟේ තියෙන විනය ගැලවෙනවා .
මෙන්න මන්ත්රය
ඕං හ්රීං බෝධිරාජ තම්බිරානේ යක්ශ වින අජීර්ණ ඉගිල ඉගිල වර වර ඒස්වාහඃ
ඕං හ්රීං වන්දයේල් යේල් කිලඹු ජලධාර යක්ශ අමියා ඉගිල ඉගිල වර වර ඒස්වාහඃ
ඕං හ්රීං පොඩි උල්ලක්කුං ජය ජය අර්ධන ආරූඪ තිපෝ දක්කුං යක්ශ වින අජීර්ණ ඉගිල ඉගිල වර වර ඒස්වාහඃ
ගුරුකම් කියන මාතෘකාවේ අඳුරු පැතිකඩක් විදියට මම සලකන ඇඟේ වින දෝෂ රැඳීම නිසා ඇතිවෙන දෝෂ අයින් කරන්න ගන්න මන්තරයක් තමයි විනරාජ මන්ත්රය කියලා ක...
මේ මන්ත්රය විෂ්ණු දෙවියන්ගේ වර ලබාදෙන ඉතාම ප්රභල මන්ත්රයක් . වැඩි වශයෙන්ම භාවිතා කරන්නේ ලෙඩ රෝග සුවපත් කිරීම සඳහා . හැබැයි ඊට අමතරව වරම් ලබාගන්න උනත් මේ මන්ත්රය පාවිච්චි කරන්න පුලුවන් . තමන්ට ඥාති දේවතාවන් ඉන්නවානම් විෂ්ණු දෙවියන්ගේ මාර්ගයෙන් වරම් ලබාදෙන්න , එහෙමත් නැත්නම් දැඩිමුණ්ඩ දෙවියන්ගෙන් වරම් දෙන්න , මේ මන්ත්රය ජීවම් කරත්දී විෂ්ණු දෙවියන් දර්ශනය වෙන අවස්ථාවේ ඒ වරම් ඉල්ලලා තමන්ට ලබාගන්නත් පුලුවන් .
මේ මන්ත්රය භාවිතා කරන්න කලින් සාමාන්යයෙන් මන්ත්රය භාවිතා කරන පුද්ගලයා පන්සිල් ආරක්ෂා කරන ආධ්යාත්මික වශයෙන් යම් දියුණුවක් ලබාගෙන තියෙන තත්වයට පත් වෙන්න ඕන . භාවනා කරන්න ඕන . නිතර දෙවේලේ නාලා පිරිසිදු වෙලා ඉන්න ඕන . පුළුවන් නම් කොහොඹ කොළ , කහ තම්බලා ස්නානය කරන්න වගේ පිරිසිදු වීම් වෙන්න අවශ්ය දේවල් කරන්න පුළුවන් නම් වඩාත් හොඳයි .
දේවාලයක් තියෙන කෙනෙක් නම් දේවාලය පිරිසිදු කරලා කහ දියර ඉහලා දුම් අල්ලලා පිරිසිදු කරන්න ඕන . ඊට පස්සේ ආසනයේ නිල් පාට රෙද්දක් එළලා ඒ රෙද්ද උඩ බුලත් කොළ 9 ක් රවුමට තියලා ඒ උඩ විෂ්ණු දෙවියන්ගේ පිළිමයක් තැම්පත් කරන්න ඕන . මේකට හොඳම වෙන්නේ කොහොඹ , සුදු හඳුන් , රත් හඳුන් , පිත්තල , රිදී , රත්තරන් වගේ අමුද්රව්යයකින් හදපු පිළිමයක් .
මේ විදියට පිළිවෙල කරගත්ත විෂ්ණු දෙවියන්ගේ දේව පිළිමයක් ළඟදී කැවිලි , අඹ , බෙලි දිවුල් ඇතුළුව පලතුරු , නිල් මානෙල් මල් , නිල් කටරොළු මල් , ගිතෙල් පහනක් , බුලත් කියන දේවල් ඇතුළුව පුද පූජා සකස් කරලා සුවඳ දුම් අල්ලන්න ඕන .
ඊට පස්සේ මේ මන්ත්රය ජීවම් කිරීම ආරම්භ කරන්න ඕන පන්සිල් අරගෙන තෙරුවන් වන්දනා කරලා තෙරුවන් කමා කරවාගෙන . මන්ත්රය පුරන්න ඕන වාලම්පුරියකට හෝ නිල් මල් මාලාවකට . ඒ නිල් මල් මාලය දේව පිළිමයට පළඳවන්න පුළුවන් ප්රමාණයේ මල් මාලයක් වෙන්න ඕන . දේව පිළිමයත් ජීවම් කිරීම වැදගත් වෙනවා මේ වෙලාවේ .
මන්ත්රය මතුරනකොට මන්ත්රය තමන්ට සිද්ධි වීමක් වෙනවා . නැත්නම් තමන් මේ වැඩේ කරන්න කලින් පන්සලකට හෝ විෂ්ණු දේවාලයකට ගිහින් මන්තරේ 108 වාරයක් කියලා තමන්ට සිද්ධි කරගෙන දෙවියන්ට පින් දීලා එන්න ඕන කලින් දවසක .
මෙහෙම මන්ත්රය ජීවම් වෙනකොට තමන්ට එක අවස්ථාවක විෂ්ණු දේව ප්රතිමාව වෙවුලන්න ගන්නවා දැනෙනවා . ඒක දෘෂ්ටි මායාවක් කියලා රැවටෙන්න එපා . ඇත්තටම පිළිමය වෙවුලන්න ගන්නවා . එතනින් නිල් පැහැති අවකාශයක් පේන්න ගන්නවා තමන්ට අවසානයේ විෂ්ණු දෙවියන් තමන්ට දර්ශනය වීම වෙනවා .
ඊට පස්සේ මල් මාලාව දේව රූපයට පළන්දවලා හෝ වාලම්පුරිය විෂ්ණු දෙවියන්ට පූජා කරලා තමන්ට අවශ්ය දේ ඉල්ලා හිටින්න පුළුවන් .
හොඳ දේවල් ඉල්ලන්න . අයහපත් අරමුණු මේ හරහා ඉල්ලන්න එපා . ඒකෙන් තමන්ට තමයි අවැඩක් වෙන්නේ . තමන් ඒ වරය ඉල්ලුවට පස්සේ විෂ්ණු දෙවියන්ට පිං දෙන්න . කරණීය මෙත්ත සූත්රය 7 වතාවක් ඇතුළුව පිරිත් සූත්ර සජ්ඣායනා කරලා විෂ්ණු දෙවියන්ට නැවත නැවතත් පිං අනුමෝදන් කරන්න . විෂ්ණු දෙවියන්ගේ පිහිට ආරක්ෂාව ආශිර්වාදය ඔබට නොඅඩුවම ලැබෙනවා .
වරම ඉල්ලා ගත්තට පස්සේ තමන් ඒ වෙනුවෙන් දෙවියන්ට දෙයක් දෙන්න ඕන . දෙවියන් බලාපොරොත්තු වෙන්නේ පින් . ඒ නිසා තමන් තමන්ගේ වරම භාවිතා කරලා මොන යම් හෝ දෙයක් ලබා ගන්නවා නම් ඒ ලබා ගන්න දෙයින් කොටසක් ආයෙත් පිනක් වෙනුවෙන් යොදවලා ඒ පින විෂ්ණු දෙවියන්ට අනුමෝදන් කරන්න .
දැන් අහන්න එපා විෂ්ණු දෙවියන් දර්ශනය වෙනවා කියලා කියන්නේ ඔයා දැක්කද කියලා . විෂ්ණු දෙවියන්ගේ වරම් නැතුව ජ්යෝතිෂ විෂයේ ග්රහයින් හසුරවන්න බැහැ .
මේ පහල තියෙන්නේ ඒ කුර්මාවතාර මන්ත්රය . මේක පාඩම් කරගෙන සිද්ධි කරගෙන වරමත් ලබාගෙන අනුන්ගේ යහපත උදෙසා කටයුතු කරන්න . වරමෙ බලයෙන් අනුන්ගෙන් පලිගන්න යන්න එපා . තමන් සාධාරණ නම් අසාධාරණයට එරෙහිව දෙවියන්ගෙන් දඬුවම් ලැබෙනවා . ඒ නිසා මධ්යස්තව වැඩ කරන්න . මන්තරේ කියන විදිය වීඩියෝ එක අහලා පුරුදු වෙන්න .
ඕං ශ්රී විෂ්ණු කුර්ම අවතාර වෛකුණඨ දේව භ්රගු රාම පරශුරාම ශිව රාම ද්වාර ගෝපාල චන්ද්ර චක්රාදි විවිධායුධ සහශ්ර දුර්වාර ශැර ඝෝර රාම රාජ සංකාර සංහාර නීලාචල හේමාචල පත්මකුමාර සීතාපතී කොන්ඩුවෛන් ශ්රීං නව ශක්රාම් නව ශිව ශක්රාම් විෂ්ණු ශක්රාම් ආඝෝර ශක්රාම් හ්රීං හ්රීං ශ්රීං ශ්රීං හං හං සුර සංහාර ඝෝර මාරදිත්ය නාරායන කල්පෝත්පන්න නරලෝක ශිවංකර ශ්රී ලංකාපතී නාරායන භගවතෝ ඊශ්වර ක්රත සුර අසුර නාගරූඩන්ච අහිනාගාභාරණාය සකල ශාස්තෘං සංමෝහනායකර අෂ්ටකර්ම භූලෝක සුරේන්ද්ර ඉන්ද්ර ශ්රී විෂ්ණු කුමාරයාය නමඃ
මේ මන්ත්රය විෂ්ණු දෙවියන්ගේ වර ලබාදෙන ඉතාම ප්රභල මන්ත්රයක් . වැඩි වශයෙන්ම භාවිතා කරන්නේ ලෙඩ රෝග සුවපත් කිරීම සඳහා . හැබැයි ඊට අමතරව වර...
කීප දෙනෙක් මේ කාලය තුල මන්තර ගැන අහලා වට්සප් ෆේස්බුක් මැසේජ් එවලා තිබුණා මේ මේ මන්තර අපිට ලබා දෙන්න කියලා . මොකද සමහර මන්තර මුද්රිත පිටපත්වල තියෙන ඒවායේ අකුරු වචන අඩුපාඩු තියෙනවා . ඒ අඩුපාඩු ගැන ඒ පොත් මුද්රණය කරපු අයගෙන් ප්රශ්න කරාම කියන්නේ ඒ අපේ පරම්පරාවේ එන විදිය කියලා . සමහර මන්තරවලින් නම් වැඩක් කරන්න පුලුවන්ද කියලත් සැකයක් තියෙන තැන් තියෙනවා . ඒ නිසා කියලා දෙන්න පුළුවන් මන්තර වලින් එක එක බ්ලොග් එකේ සටහන් කරලා තියන්න ඕන කියලා කල්පනා කරා .
මේ ලිපියේ තියෙන්නේ මහා ගුරු වරම් මන්ත්රය . මන්ත්ර ශක්තිය වැඩි පිළිවෙලේ ඉඳලා අඩු පිළිවෙලට හදනකොට ඉහළම තියෙන්නේ මේ ගුරු වරම් මන්ත්රය . මන්ත්ර කර්මයේ දිෂ්ටි කරනවා කියලා කාර්යයක් තියෙනවා . දිෂ්ටි කරනවා කියන්නේ යම් අමනුෂ්ය ශක්තියක් අපි කරන කාර්යය වෙනුවෙන් ලඟා කරවා ගැනීමට . ඒවගේම තමයි වැඩක් කරනකොට අමනුෂ්ය ආත්ම වලින් දෙවියන්ගෙන් යක්ෂයින්ගෙන් අවසර ගන්න ඕන . ඒ වගේම එයාලාට ආරාධනා කරන්නත් ඕන . මේ ඔක්කොම දේවල් වලට අදාළ වෙන මන්ත්රය තමයි මහා ගුරු වරම් මන්ත්රය කියන්නේ . ගුරු වරමට ඉහළින් කිසිම මන්ත්රයක් පිහිටන්නේ නැහැ . සෘෂිවරු පවා ආකර්ෂණය වෙන මහා ශ්රී රාම දිෂ්ටියට උනත් කලින් මහා ගුරු වරම තුන් වතාවක් මතුරලා තමයි ශ්රී රාම දිෂ්ටියට මුල පුරන්නේ හරියට මන්ත්ර කර්මය දන්න අය . මන්තරේ පාඩම් කරනකොට දීලා තියෙන පේලි විදියටම පාඩම් කරන්න . එතකොට මතක තියාගන්න ලේසියි .
ඔය දේවල් නිසා මේ මන්ත්රයට මහා ගුරු වරම් මන්ත්රය , සර්ව දේව වරම , සර්ව දේවාරාධනාව කියලා කියනවා . මේ පහල තියෙන්නේ මම පාවිච්චි කරන අඩුපාඩුවක් නැතුවම දෙන මහා ගුරු වරම් මන්ත්රය . මන්ත්රයට පහල ඇති වීඩියෝ එකක් . ඒ මගේ චැනල් එක . චැනල් එක සබ්ස්ක්රයිබ් කරන්න . මන්ත්ර යන්තර ගැන ඉගෙන ගන්න ඔයාලට ගොඩක් දේවල් ඉගෙන ගන්න පුළුවන් වෙයි .
ඕං නමාමී සරණම්
ඕං ගුරුවරං ගුරු පත්රකාලි වරං
සුර වරං සුර පත්ර කාලි වරං
අසුර වරං අසුර පත්රකාලි වරං
දේව වරං දේව පත්රකාලි වරං
නාග වරං නාග පත්රකාලි වරං
කෛලාශන වරං කෛලාශන ගුරු ධාරණේ වරං
යන්ත්ර වරං
යන්ත්ර මන්ත්ර වරං
මන්ත්ර තන්ත්ර වරං
ශ්රී විෂ්ණු වරං ශ්රී විෂ්ණු නාරායනේ වරං
ආකාශ වරං ආකාශ සූර්යානේ වරං
චන්ද්ර වරං චන්ද්ර පත්ම කෛලාශනේ වරං
භූම වරං භුම ජල මහී කාන්තා දේව ගුරු දැපනේ වරං
ඊශ්වර වරං ඊශ්වර මහේශ්වර වරං
ක්රතේශ්වර නාථෙශ්වර වරං
ශ්රී විෂ්ණු වරං ශ්රී විෂ්ණු කන්දකුමාර වරං
සත් පත්තිනි වරං සත් පත්තිනි ගිනි දෙවොල් වරං
වෙසමුණි වරං වෙසමුණි දැඩි මුණ්ඩ වරං
නවග්රහ වරං නවග්රහ නවදෙන වරං
හනුමා වරං හනුමා පත්රකාලි වරං
සරස්වතී වරං සරස්වතී මෝහිණී වරං
භෛරවී වරං භෛරවී ශ්රීයා දේවි වරං
ඔඩ්ඩියා වරං ඔඩ්ඩියා ඉරලා වරං
යක්ෂයා වරං යක්ෂනී වරං
හිමාල වරං හිමාල ජල වරං
පර්වත වරං පර්වත වෘක්ෂ වරං
සර්වාංග වරං සර්වාංග ප්රාණ වරං
ඉරුරැස් වරං සඳු රැස්වරං තරුරැස් වරං බුදුරැස් වරං
බුද්ධ රශ්මීන් ආලෝක ජීවප්රාණ
සර්ව ලෝක ජීවප්රාණ
සර්ව ලෝක දේවාරාධනා
නමස්කාර වර වර නමාමි නමඃ
කීප දෙනෙක් මේ කාලය තුල මන්තර ගැන අහලා වට්සප් ෆේස්බුක් මැසේජ් එවලා තිබුණා මේ මේ මන්තර අපිට ලබා දෙන්න කියලා . මොකද සමහර මන්තර මුද්රිත පිටපත්ව...
රත්නපුරේ පැවැත්වෙන දැවැන්ත ජාත්යන්තර මැණික් හා ස්වර්ණාභරණ ප්රදර්ශනය අගෝස්තු මස 15 16 17 කියන දවස්වල උදේ 10 ඉඳලා රාත්රී 07 වෙනකල් රත්නපුර Grand Silver Ray හිදී පැවැත්වෙනවා .
මැණික් ගන්න . මැණික් ගැන දැනගන්න ඔයාලත් ඔයාලගේ යාළුවො , පවුලේ අය එක්ක එන්න .
අපේ කුටිය " කුටි අංක 60 " .
එහෙනම් අපි එදාට හම්බෙමු .
රත්නපුරේ පැවැත්වෙන දැවැන්ත ජාත්යන්තර මැණික් හා ස්වර්ණාභරණ ප්රදර්ශනය අගෝස්තු මස 15 16 17 කියන දවස්වල උදේ 10 ඉඳලා රාත්රී 07 වෙනකල් රත්නපු...
මට මේ ළඟදී නිකමට වගේ ටවුන් ආව වෙලාවක අපිට උගන්නපු මිස් කෙනෙක් හම්බුණා . දැන් නම් ඒ මිස් හරියට වෙනස් වෙලා වයසට ගිහින් නිසා වෙන්නැති . අපිත් වෙනස් වෙලා මිස්ල සර්ලත් වෙනස් වෙලා ඉස්කෝලෙත් වෙනස් වෙලා ලෝකෙත් වෙනස් වෙලා .
ඔහොම තමයි ලෝකෙ හැටි කියලා හිතුවට ඒ මිස්ලා අපිට උගන්නපු දේවල් , ඒ උගන්නනකොට හිතේ මවපු දේවල් තාමත් චිත්රපටයක චිත්ර දාමයක් වගේ හිත ඇතුලේ තැම්පත් වෙලා තියෙනවා . මේ මිස් ඉගැන්නුවේ අපිට සිංහල විෂය . හත වසරේදී තමයි මේ මිස් අපිට උගන්නන්න ආවේ . එතකොටත් ඉස්කෝලේ හිටපු ජේෂ්ඨ ගුරුවරියක් ඒ මිස් .
මේ මිස්ගේ පීරියඩ් එකට ඒ කාලේ මම හරිම අකමැතියි . ඒ පිටපත් ලියන්න ඕන නිසා . මගෙ අකුරු තුන වසරේදී විතර ඉඳලා හකුරු වගේ උනා . වෙද පොත් පුස්කොල පොත් එහෙම බලපු නිසා මගෙ අකුරුත් ටිකක් ඒ වගේ වෙලා කියලා අම්මලා ඉස්සර කතා උනා . ඒත් කොච්චර පිටපත් ලිවීම ලිව්වත් අකුරු තාමත් එදා වගේ තමයි . සිංහල විතරක් නෙවේ ඉංගිරිස් පවා එහෙමයි . ඉතින් මේ මිසුත් මගෙ අකුරු බලලා හැමදාම පිටපත් ලිවීම කරන්න ඕන කියල නියම කළා . කොහොමහරි පන්තියේ ගොඩක් අය පිටපත් ලිවීම ලියනවා අකුරු කැත නිසා .
ඒ මිස්ගේ පුරුද්දක් තමයි උගන්නන්න කලින් භාවනා කරවන එක . ඉතින් අපි ඒ මිස්ගේ පීරියඩ් එකේ හැමදාම භාවනා කරනවා . ඊට පස්සේ පිටපත් ලිව්ව ඒවා බලනවා . ලියලා නැති අයට ගුටි තමයි . මම හැමදාම ඒක ලියාගෙන ගියත් අකුරු කැත නිසා නොවරදවාම බැනුම් අහගන්නවා .
කොහොමහරි ඒ අවුරුද්දම බැණුම් ඇහුවා . ඔය හේතුව නිසාම ඒ පීරියඩ් එකට හරිම අකමැතියි . බැණුම් අහගෙන මොන ඉගෙන ගැනිලිද . අනික ඉතින් පටන්ගන්නකොටම බැනුමක් අහගත්තට පස්සේ මමනම් ඒ පීරියඩ් එකේම ඉන්නේ එපාවෙලා .
කොටින්ම කියනවනම් රිලීෆ් දාලා තියෙන පොත ගෙනියන අයියාගෙන් රිලීෆ් පොත පවා ඉල්ලගෙන බලනවා ඒ කාලේ , වැරදිලාවත් ඒ මිස්ට රිලීෆ් එකක් එහෙම දාලා තියෙනවද දන්නේ නෑ කියලා . දාලා තියෙනවනම් කොහොමහරි ඒක කට් කරගන්න විදියක් තමයි කල්පනා කලේ ඒ කාලේ .
ඒත් ඒ මිස් උගන්නපු පාඩම් අදටත් මතකයි . දැන් නම් හිතෙනවා ඒ කාලේ ඉගෙනගත්ත දේවල් ආයෙත් ඉගෙනගන්න තිබ්බනම් කියලා . මට මතකයි මාටින් වික්රමසිංහ මහත්මයාගේ අපේ ගම පොතේ කොටසක් සිංහල පාඩමකට තිබුණා .
ඒකෙ තිබුණා කැළුම් නටන නිල්මිණි තලාවක් ගඟකට උපමා කරන කතාවක් . ඒ කතාව මාර විදියට හිතට ගියා ඒ මිස් උගන්නපු විදියට . තව චුවාන් ගෙත්තම , අඹ යහළුවෝ , වගේ පාඩම් තාමත් මතකයි . ඔය අතරින් තිබුණ තවත් අමතක නොවන පාඩමක් තමයි ධීවරී ගීතය කියන කවි පංතිය .
ඉතින් මෙන්න මේ සාගර පලන්සූරිය මහත්මයා තමයි ධීවරී ගීතය කියන කවි පංතිය රචනා කරලා තියෙන්නේ . මේ කවි පන්තියේ තියෙන්නේ මසුන් මරන්නෙක්ගේ බිරිඳක් වැල්ලේ තියෙන් එයාලා පදිංචි වෙලා ඉන්න පොල් අතු පැලේ ඉඳගෙන මසුන් මරන්න ගිය තමන්ගේ ස්වාමියා ගැන හිතන සිතුවිලි දාමයක් ගැන .
අපිට සිංහල උගන්නපු මිස් මේ කවි පංතිය කියලා දෙනකොට මගෙ හිතේ මේ කියන විස්තරය චිත්රයක් වගේ මැවුනා . එදා මැවුන ඒ චිත්රය අදත් ඒ වගේම තියෙනවා . ඉතින් අද කියන්න යන්නේ මේ කවි පන්තියේ තේරුමට විරුද්ධ තේරුමක් තියෙන , ඒ කියන්නේ ස්වාමියා විසින් මුහුදු වැල්ලේ ගෙදරක ජීවත්වෙන බිරිඳ ගැන මවන සිතුවිලි දාමයක් වටා ගෙතිලා තියෙන ගීතයක් ගැන . මට හිතෙනවා ඇත්තටම මේ කියන්නේ මුහුදක් අයිනේ ඉන්න පවුලක් ගැනමද කියලා .මුලින්ම ගීතය අහලා ඉන්නකෝ .
මගෙ අමල් බිසෝ
දොර හරින්නෙපා
හොඳ පරිස්සමින් ඉඳපන්
මම දීපංකරේ ලතැවුලෙන් මෙසේ
නුඹ මූදුකරේ තනියෙන්
යස ඉසුරු අරන් සුදු මහත්වරුන්
ඒරොප්පෙ ඉඳන් ඇවිදින්
මුදු බැලුම් හෙලයි, ළං වෙන්න බලයි
නුඹ නොදැක්ක සේ ඉඳපන්
ඇඳ නේක ඇඳුම් සුදු නෝනවරුන්
ගෙට එබී බලයි හොරැහින්
මගෙ පුංචි එවුන් ටික ළඟට කරන්
නුඹ හෝදිසියෙන් ඉඳපන්
ගායනය - සුනිල් එදිරිසිංහ
පද - බණ්ඩාර ඇහැළියගොඩ
තනුව - රෝහණ වීරසිංහ
පොඩිකාලේ මේ ගීතය ඇහෙනකොට මට මතක් වෙන්නේ අමල්බිසෝ කතාවෙ ඉන්න රාක්ෂයව . ඒත් පස්සේ කාලෙකදී තමයි මේ ගීතයේ ඉන්නේ වෙනත් රාක්ෂයෙක් කියලා තේරුනේ . මම හිතන්නේ නම් ඒ රාක්ෂයා මුදල් කියන රාක්ෂයා වෙන්න ඕන කියලා . ගීතයේ ස්ථායි අන්තරා කොටස් අරගෙන බැලුවම , මුදල් කියන රාක්ෂයා මිනිසුන් බිලිගන්න ආකාරයත් ඒ බිලිගැනීමට විරුද්ධව නැගී සිටින්න වෙරදරන මිනිස්සුන්ගේ ශක්තිය සහ හැගීම් ගැනත් මේ ගීතයේ පැහැදිලිවම අන්තර්ගත වෙලා තියෙනවා .
මගෙ අමල් බිසෝ
දොර හරින්නෙපා
හොඳ පරිස්සමින් ඉඳපන්
මම දීපංකරේ ලතැවුලෙන් මෙසේ
නුඹ මූදුකරේ තනියෙන්
මූදුකරේ තනියෙන් කියල අවසාන පදෙන් කිව්වට , මමනම් හිතන්නේ මෙතනට මුහුදක් ගෑවෙන්නේ නෑ . මොකද මෙතන මම දීපංකරේ කියලා යෙදුමක් තියෙනවා . ගොඩක් වෙලාවට මුහුදු බඩ පරිසරවල ඉන්න පවුල්වල පිරිමි වෙන පළාත්වල රස්සාවල්වලට යන්න තියෙන ඉඩ හරිම අඩුයි . එයාලා කරන්නේ මාළු අල්ලන ඔරු වලට සම්බන්ධවෙලා මාළු අල්ලන්න යන එක . ඒත් මේ ගීතයේ ස්ථායි කොටසේ කියන්නේ රැකියාවක් කරන්න ගමෙන් හෝ රටෙන් පිටත් වෙච්ච සැමියෙක්ගේ සිතුවිලි කියලා තමයි මම නිගමනය කරන්නේ .
ඔහු කියනවා , මගෙ අමල් බිසෝ දොර හරින්නෙපා නුඹ පරිස්සමෙන් ඉඳපන් කියලා . මෙතන දොර හරින්නෙපා කියලා කියන්නේ විවාහය නමැති බන්ධනයෙන් වැසීගිය දොරටුව නැවත විවර කරලා වෙනත් පිරිමින් වෙත යන්න එපා කියලා වගේ අදහසක් . මොකද ස්වාමියා ඉන්නේ දුර ප්රදේශයක , නැත්නම් දුර රටක . පවුලේ ඕනා එපාකම් පිරිමහගන්න තමන් උපයන මුදල හොඳටම මදි කියලා ස්වාමියා දන්නවා . ඒ නිසා ස්වාමියාගේ හිතේ ඇතිවෙනවා පොඩි බයක් , තමන්ගේ බිරිඳ මුදල් වෙනුවෙන් වෙනත් පිරිමින් හොයාගෙන යයිද දන්නේ නෑ කියලා . ඉතින් ගෙදරින් ඈත්වෙලා ඉන්න මේ ස්වාමියා තමන්ගේ කුටුම්භය ගැන ලතවෙනවා වගේම දුක් වෙනවා . එහෙම වෙන්නේ බිරිඳ මූදුකරේ තනියෙන් ඉන්න නිසා .
මූදුකරේ කියන්නේ වෙරලක් කියලා මම හිතන්නේ නෑ . මෙතන පද බැඳුම යෙදීලා තියෙන විදියට මමනම් හිතන්නේ මූදුකරේ කියලා කියන්නේ විනාශ මුඛය කියලා . දැන් බලන්න , මුහුදක් අයිනේම ජීවත්වෙන අයට තමන්ගේ ජීවිතය ගැන ස්ථාවර බවක් හිතේ තියාගෙන ජීවත් වෙන්න පුලුවන්ද ? බැහැ . ඒ මොකද මුහුද විශ්වාස කරන්න බෑ . කොයිවෙලේ ලොකු රැල්ලක් , සුනාමියක් වගේ එකක් නැත්නම් කුණාටුවක් ඇවිත් වෙරළේ තියෙන ගෙවල් බිලිගනියිද දන්නේ නෑ .
අන්න ඒවගේ තමයි මේ ස්ථායි කොටසේ කියන්නේ . තමන්ගේ බිරිඳ ඉන්නේ විනාශ මුඛය ඉදිරිපිට . ඒත් ඒ විනාශ මුඛයට පනින්න නම් එපා කියලා ස්වාමියා බිරිඳගෙන් ඉල්ලනවා වගේම ප්රාර්ථනා කරනවා එහෙම වෙන්න එපා කියලා . විනාශ මුඛය නමැති මුහුදුකරේ තනියම හිටියත් හිත දැඩි කරගෙන ඉන්න කියලා තමයි කියන්නේ .
යස ඉසුරු අරන් සුදු මහත්වරුන්
ඒරොප්පෙ ඉඳන් ඇවිදින්
මුදු බැලුම් හෙලයි, ළං වෙන්න බලයි
නුඹ නොදැක්ක සේ ඉඳපන්
දැන් අර මකර කටට පනින්න ඔන්න මෙන්න වගේ ඉන්නකොට මේ බිරිඳව , මකර කටට බලෙන්ම පන්නවන්න බලාගෙන ඉන්න සුදු මහත්තුරු ඒරොප්පේ ඉඳලා ඇවිත් මේ බිරිඳව මුලා කරගන්න බැල්ම හෙලයි , එහෙම බැල්ම දාලා ලං වෙන්න බලයිද දන්නේ නෑ කියලා ස්වාමියා තවදුරටත් හිතනවා . ඊට පස්සේ ස්වාමියා කියනවා එහෙම ලං වෙන්න ආවත් , උඹ ඒවා දැක්කේ නෑ වගේ ඉන්න කියලා .
යස ඉසුරු අරන් සුදු මහත්වරුන් ඒරොප්පේ ඉඳලා එනවා කිව්වට , මේ සුදු මහත්වරු පිටරටවල්වල ඉඳලා එන පොත්ත සුදු මහත්වරුමද ? . නැහැ . මම නම් හිතන්නේ මේ සුදු මහත්වරු කියලා කියන්නේ ධනපති පංතියේ ඉන්න සෙල්ලක්කාර මහත්වරුන්ට කියලා . මොකද දුප්පත් මිනිස්සුන්ට ඒවගේ අය කළු වැඩ කරත් සුදු මහත්වරු , සුදු අයියලා , සුදු අප්පොලා .
ඉතින් පහල පංතියේ මිනිස්සු ඉහල පන්තියේ යට කියන්නේ සුදු මහත්තයා කියලා . අපේ ගෙවල් පැත්තෙත් ඉන්නවා කට්ට කළු මනුස්සයෙක් . හැබැයි සල්ලි නිසා මිනිහට සුදු අයියා , සුදු මල්ලි නැත්නම් සුදා කියලා තමයි ගමේ අය කියන්නේ . ඒ නිසා කළු අයට සුදු කියල අකියවාගන්න ඕන නම් ඔන්න චාන්ස් එකක් තියෙනවා , ටිකක් වැඩිපුර හම්බ කරානම් වැඩේ ගොඩ .
ඒරොප්පේ කියලා කියන්නේ පිටරටවල්ම කියලා කියන්න බැහැ . මොකද මම එහෙම කියන්නේ , දුප්පත් අය පිටරට වගේ කියලා මවාගන්නේ විශාල මන්දිර තියෙන සුඛෝපභෝගී පරිසරයක් . ඉතින් මේ ස්වාමියා තමන්ගේ බිරිඳට කියන්නේ ඒරොප්පේ ඉඳලා එන සුදු මහත්වරු කියලා , සල්ලිකාර ධනවත් මහත්වරු ගැන වෙන්න ඕන .
ඇඳ නේක ඇඳුම් සුදු නෝනවරුන්
ගෙට එබී බලයි හොරැහින්
මගෙ පුංචි එවුන් ටික ළඟට කරන්
නුඹ හෝදිසියෙන් ඉඳපන්
එක එක ජාතියේ වෛවර්ණ ඇඳුම් ඇඳගෙන සමහර වෙලාවල් වලට ගෑණු අය එනවා ළමයි හොරකම්කරගෙන යන්න . සමහරවිට හොරකම් කරගෙනමත් නෙවෙයි , සල්ලි දීලා ළමයි හදාගන්න අරගෙන යන්න . ඉතින් මේ ස්වාමියා හිතනවා අතමන්ගේ බිරිඳ තමන්ගේ පවුලේ තියෙන අගහිඟකම් නිසා දරුන්වන් දන් දෙයිද දන්නේ නෑ කියලා .
ස්වාමියා තමන්ගේ බිරිඳ ගැන එහෙම හිතයි කියලා විශ්වාස කරන්න බැහැ කියලා දැන් ඔයාලා මට කියයි . ඒත් සමාජයේ වෙන දේවල් ඒක බැලුවම එහෙම වෙයි කියලා හිතන්න පුළුවන් නේද ? . මොකද ළමයින්ව ජීවත් කරවන්න අමාරු නිසාම එයාලා අකමත්තෙන්ම කැමතිවෙන්න පුළුවන් ළමයා හදාගන්න දෙන්න . ඉන්නවනම් තවත් ළමයෙක් , ඒ ළමයා ජීවත් කරවන්න සල්ලි ඉල්ලන්නත් ඉඩ තියෙනවා .
ඉතින් මම කියන්නේ මේ ගීතයේ දෙවෙනි අන්තරා කොටසින් කියන්නේ එහෙම දෙයක් කියලා . ස්වාමියා හිතුවට තමන්ගේ දරුවන් දෙයිද දන්නේ නෑ කියලා ස්වාමියා බිරිඳට පෙන්නන්නේ නෑ තමන් බිරිඳ ගැන එහෙම හිතුවා කියලා . ඒ නිසා ස්වාමියා කියනවා මෙහෙම සල්ලිකාර නෝනලා ආවට කමක් නෑ , ගෙදරට එබිකම් කලත් කමක් නෑ , අපේ දරුවන්ව ළඟට කරගෙන පරිස්සම් කරගෙන ඉන්න කියලා .
ඉතින් මේ ස්ථායි කොටසයි අන්තරා කොටස් දෙකයි අරගෙන බැලුවම මුදල් කියන්නේ අමල්බිසෝ හොයාගෙන ආපු රාක්ෂයාට වඩා භයානක රාක්ෂයෙක් කියලා පේනවා නේද ?
සංගීත සංයෝජනය ගැනත් කියන්න දේවල් ටිකක් තියෙනවා . මට මේ ගීතය ඇහෙන ඇහෙන වාරයක් ගානේ හිතෙන්නේ මේ ගීතය භීම්පලාසි කියන රාගයෙන් නිර්මාණය වෙච්ච ගීතයක් කියලා . සමහරවිට ඒක වැරදි වෙන්න පුළුවන් . ඒත් මේ ගීතයේ ස්වර රචනාව සමහර තැන් වලදී භීම්පලාසි රාගයත් එක්ක කෙලින්ම ගැළපෙනවා .
සිංදුවා ඉස්සර ලිව්වා පෙරදිනයක මා පෙම්කල යුවතිය ගීතය ගැන මෙන්න මේ පෝස්ට් එකේ . එතනදීත් මම කමෙන්ට් එකක කියලා තිබුණා ඒ ගීතයත් භීම්පලාසි රාගයෙන් නිර්මාණය වෙච්ච ගීතයක් කියලා . මෙතනදීත් මට මේ ගීතය ඇහෙන්නේ ඒ වගේ . මේ තියෙන්නේ භීම්පලාසි රාගයේ ගායනයක් . අහලා බලන්න පුළුවන් ඔයාලට කැමතිනම් .
මේ ගීතයේ ඉලෙක්ට්රික් ලීඩ් ගිටාර් එකකින් තමයි තේමා වාදනය ආරම්භ කරන්නේ . ඒත් එක්කම යටින් යනවා බේස් ගිටාර් වාදනය . මේ ගිටාර් වාදනයෙන් මට මැවිලා පේනවා නිකන් ක්ෂිතිජයක් වගේ පසුබිමක් . කවදාවත් ලං වෙන්නේ නැති , නැත්නම් දුරස් වීම කියන හැගීම ඇතිකරන්න ඒ ගිටාර් වාදනය හොඳට ගැළපෙනවා .
තේමා වාදනයේ තාල රහිත කොටස ඉවර උනාට පස්සේ තාල වාදනය කෙරෙන්නේ බොන්ගෝ ඩ්රම් එකකින් . ඒවගේම ඒ ප්රධාන තාලයට හයිහැට් ඒකත් බේස් ගිටාර් එකත් දායක වෙනවා . ඊට පස්සේ එනවා තේමා වාදනයේ තියෙන බටනලා වාදන කොටසට . එතනදී තාල වාදනය කෙරෙන්නේ රබානකින් . මෙතන බටනලා වාදනය කරන්නේ බටනලා දෙකකින් වීම විශේෂ දෙයක් . බේස් ගිටාර් එකෙන් මේ බටනලා වාදනය ඉස්මතු කරන්න දායකවෙන වාදන කණ්ඩයක් ඇහෙන්නේ නෑහෙන්නේ නැති ගානට වාදනය වෙනවා .
දැන් තේමා වාදනය ඉවරවෙලා ගායනය ආරම්භ වෙනවා . ඒ ආරම්භ වීම කරනකොට වාදනය සම්පූර්ණයෙන්ම නවතිනවා . ඊට පස්සේ මගෙ අමල් බිසෝ කියන කොටසේ බිසෝ කියන වචනය උඩදී තමයි ආයෙත් තාල වාද්ය භාණ්ඩයකින් තාලය වාදනය කරන්න පටන් ගන්නේ . මෙතන වාදනය කරන්නේ ඩොල්කිය කියන තාල වාද්ය භාණ්ඩය .
මේ ගීතයේ තියෙන මම කැමතිම කොටසක් තමයි ඔය ඩොල්කියෙන් ස්ථායි අන්තරා කොටස් ආරම්භ කරන විදිය . ඒ වගේම ඩොල්කිය වාදනය කරන විදියත් ආකර්ශනීයයි . මේ ගීතයේ තියෙන තවත් වැදගත් දෙයක් තමයි ප්රධාන තාල වාද්ය භාණ්ඩ තුනක් හරි හරියට ගීතය පුරාවට වාදන වීම . ඒවා තමයි රබාන ඩොල්කිය සහ බොන්ගෝ ඩ්රම් එක .
ඔහොම දැන් ගීතය ගායනා වෙනකොට දීපංකරේ තනියෙන් කියන තැන තනියෙන් කියන වචනය එක්ක ඇහෙනවා බොන්ගෝ ඩ්රම් එකෙන් ටක ටක ටක ටක ගාලා වාදනයවෙන තාලයේ හතරගුණය දක්වන තාල කොටසක් වාදනය කරනවා . ඒ කොටසත් මේ ගීතයේ තියෙන මම කැමති කොටසක් . ඒ වගේ කොටසක් තව තිබුණ ඔයාලට මතකද දන්නේ නෑ , රෑ දොළොස් පැයේ ගීතය ගැන මම ලිව්ව මෙන්න මේ පෝස්ට් එකේ .
මේ ගීතයේ කෝඩ්ස් වාදනය කරන්නේ එකොස්ටික් ගිටාර් එකකින් . ඒ වාදනයවෙන කෝඩ්ස් වල ස්වර ග්ලොකන් ස්පීල් එකකිනුත් ගීතය පුරාවටම වාදනය කරනවා .
ආයෙත් කියන්න ඕන මේ ගීතයේ මම වැඩිපුරම සිත්ගත් තැන වෙන්නේ ස්ථායි අන්තරා කොටස් පටන් ගන්නකොටම ඩොල්කියෙන් වාදනය කෙරෙන වාදන කොටස . ඒකට අපි කියන්නේ සාමාන්යෙන් බීට් එක කඩලා ගන්නවා කියලා .
එහෙනම් තවත් ගීතයක්ගැන යක්කු ගැන එව්වා මෙව්වා ගැන පෝස්ට් එකක් අරගෙන ලබන සතියේ එන්නම්කෝ . දැන් වයලීනොට සති අන්තයේ නිවාඩුයි . ඒ නිසා සති අන්තයේ ලියන්න පුළුවන් ගින්නක් නැතුව . එහෙනම් අපි ගියා .
ඔබ සැමට සමන් දෙවිඳුගේ පිහිට ලැබේවා !
මට මේ ළඟදී නිකමට වගේ ටවුන් ආව වෙලාවක අපිට උගන්නපු මිස් කෙනෙක් හම්බුණා . දැන් නම් ඒ මිස් හරියට වෙනස් වෙලා වයසට ගිහින් නිසා වෙන්නැති . අ...
මේ දවස්වල සමාජ මාධ්ය වල නිතර දකින්න ලැබෙන ගීතයක් විදියට මේ ගීතය ටිකක් ප්රසිද්ධ වෙලා තියෙනවා . ඒකත් ප්රසිද්ධ වෙලා තියෙන්නේ ගීතයේ මුල් ගායකයා නිසා නෙවෙයි . ඒ මිදෝරී නිසා . සාපේක්ෂව බලනකොට ලාලිත්ය මුසුවුණු ස්ත්රී හඬක් නෙවෙයි මිදෝරිට තියෙන්නේ . රුක්මණී දේවිගේ කටහඬට ආසන්න ස්වර වර්ණ පිහිටන පිරිමි හඬකට ආසන්න සමාන හඬක් තමයි මිදෝරි උපතින් උරුම කරගෙන තියෙන්නේ . ඒ හඬ ඇත්තටම සමහර වෙලාවල් වලදී බණ්ඩාර අතාවුද මහත්මයාගේ කටහඬට තරමක් සමාන වෙන වෙලාවල් තියෙනවා .
ඒ නිසා වෙනස් රහක් මේ ගීතයේ තියෙනවා එයාගේ ගායනයත් එක්ක . ගීතයේ මුල් ගායනයට හානියක් නොකර මිදෝරී මේ ගීතයේ හොඳ රහ තැන්වල ස්වර ස්පර්ශ කිරීමක් කරනවා . ඒ නිසා වෙනසක් හොයන අපි හැමෝම මිදෝරිගේ අලුත් ගායනයට තරමක් වැඩියෙන් ලං වෙලා තියෙනවා කියලා කියන්න පුළුවන් . අපි බලමු ගීතයේ ඉදිරියට ගිහින් කොහොමද කියලා මේ ගීතයේ ඇතුලාන්තය ගැන කියවෙන්නේ කියලා .
හැමෝටම යම් කාලයක් එනවා තමන් ආදරය කරන කෙනෙක්ට තමන්ගේ ආදරය ප්රකාශ කරන්න . එහෙමත් නැත්නම් තමන් ඒ කෙනාට ආදරය කරනවා කියලා තමන්ගේ වටපිටාවට දැනෙන්න හරින්න . එහෙම උනාම වටපිටාව විසින් අවශ්ය දේවල් ටික ඉදිරියට කරගෙන යනවා . එහෙමත් නැත්නම් වටපිටාවේ කාටත් හොරෙන් ඒ දෙන්නා ආදරයෙන් බැඳෙනවා .
සමහර වෙලාවල් වලදී වයස වෙනස් වෙනවත් එක්කම මේ ආදරය කරන අය වෙනස් වෙනවා . එහෙමත් නැත්නම් තමන් ඉන්න පරිසරය වෙනස් වෙනවත් එක්ක ආදරය කරන කෙනා වෙනස් වෙනවා . ඔය ඔක්කොමත් එක්ක තමන්ගේ සමාජ තත්වය අනුවත් සමහරු තමන්ගේ ආදරය කරන කෙනා වෙනස් කරනවා . ඒවායේ හොඳ නරක ගැන අපි මේ වෙලාවේ කතා කරන්නේ නැතුව මේ ආදරය කරන කෙනා වෙනස් කිරීම ගැන විතරක් හිතනවා නම් ගොඩක් වෙලාවට ඔය ආදරය කරන කෙනාට ආදරය ප්රකාශ කිරීම සහ මම මුලින් කිව්වා වගේ වටපිටාවේ ඉන්නා අයට ඒ ආදරය දැනෙන්න හැරීම විවිධ ආකාරයෙන් ආදරවන්තයින් කරනවා . ඒ කාලෙට තමන්ගේ මනසේ ඇතිවෙන ලාමක ගති පැවතුම් මේවට හේතු වෙන්න පුළුවන් . සමහර තද ගති පැවතුම් උනත් හේතු වෙන්න පුළුවන් .
ඔය විදියට තමන් දැන් කෙනෙක්ට ආදරය කරනවා කියලා කියන සහ පෙන්වන එක විදියක් තමයි යන යන තැන ඒ කෙනාගේ සහ තමන්ගේ නම් එකට ඈඳලා ලියන එක . ගස්වල පොතු හූර හූර සමහරු තමන්ගේ නම + එයාගේ නම කියලා ලියනවා . ගල්වල මෙහෙම නම් ලියනවා . ඔය මොකවත් නැත්නම් සමහර වෙලාවට ඉගෙන ගන්න තැන මේස පුටුවල නම් ලියනවා . මට මතකයි කැම්පස් ගිය මුල් කාලේ අපේ පීඨාධිපති වෙලා හිටපු මහාචාර්ය සුදන්ත ලියනගේ මහත්මයා කියනවා " ළමයි අපේ පීඨයෙන් විශාල මුදලක් වියදම් කරලා ඔය මේස පේන්ට් කරලා තියෙන්නේ , ඕවයේ තමන්ගේ නම් අනුන්ගේ නම් ලියලා විනාස කරන්න එපා " කියලා . ඇත්තටම මේ නම් ලිවීම අදාළ පරිසරය විනාශ කිරීමක් තමයි . හැබැයි ඒ විනාශය තුල යම් සුන්දර හැගීමක් හිරවෙලා තියෙනවා වෙන්න පුළුවන් . ඒ නිසා ඒකෙ හොඳ නරක දෙකම තියෙනවා කියලා තමයි මම දකින්නේ .
මටත් ඔය වගේ යම් අත්දැකීමක් තියෙනවා . කොළඹ යන වෙලාවල් වලට ඒ තැනට ගියොත් එතන මගේ සහ වයලීනිගේ නම් ලියපු එක තියෙනවද කියලා බලන්න අමතක කරන්නේ නැහැ . සරලවම කියනවනම් ඒකෙ පොඩි ජොලියක් තියෙනවා . කොහොම හරි මේ ගීතයේත් කියවෙන්නේ ඔන්න ඔය වගේ යන යන තැන නම ලියලා තමන්ගේ ආදරය දැනගත්තද කියලා විමසන පෙම්වතෙක් ගැන . මේක පෙම්වතියන්ට උනත් ගළපන්න පුළුවන් . ඒත් ගායකයෙක් කියන නිසා මේක පෙම්වතෙක් කියන විදියට බලන එක හොඳයි කියලා මම හිතනවා .
පෙම් කවක් ලියනවා මම ආයේ
මල් ගහක් ගහක් ගානේ
ඉතින් පෙම්වතෙක් තමන් ප්රේම කරන කෙනාට පේන්න තමන්ගේ නම තැන් තැන් වල ලියනවා . ගස්වල ගල්වල හැම තැනකම ලියනවා . තමන්ගේ නම විතරක් නෙවෙයි තමන් ප්රේම කරන කෙනාගෙත් නම තමන්ගේ නම ලඟින්ම ලියනවා . එහෙම ලියන තැන් එයා දකින්නේ මල් ගස් කියලා . කොහොම උනත් ප්රේමය තුල මේවා මල් වගේ තමයි එයා දකින්නේ .
ඔබ ටිකක් නතර වී බැලුවෝතින්
හමුවේවි සිත මාගේ
එහෙම ලියලා එයා බලාගෙන ඉන්නවා තමන් ප්රේම කරන කෙනා ඒ අසලින් යනකල් . එහෙම යනකොට එයා ඒ නම දකියි කියලා විශ්වාස කරනවා . ඉතින් ප්රාර්ථනා කරන්නේ ටිකක් නතර වෙලා වට පිට බැලුවොත් තමන් එයාට ප්රේම කරනවා කියලා එයාට දැනගන්න පුළුවන් වෙයි කියලා . ඉතින් බලාගෙන ඉන්නේ ඉවසීමෙන් මේ ලියලා තියෙන දේවල් දකියි කියලා .
අතු අගට මල් පළන්ඳා
මඟ බලනවදෝ මන්දා
එහෙම ප්රේම කරන අතරේ පෙම්වතා දැනගන්නවා තවත් අය මේ කෙනාව අයිති කරගන්න උත්සාහ කරනවා කියලා . අතු අගට මල් පළන්දා මග බලනවදෝ මන්දා කියලා අදහස් කරන්නේ තවත් පෙම්වතුන් මේ පෙම්වතිය එනකල් මග බලාගෙන ඉන්නවා වගේ කියලා තමන්ට දැනගන්න ලැබෙන නිසා , එහෙමත් නැත්නම් තමන්ට පේන නිසා .
බිඟු මාවතේ සුවඳක් වෙලා
ඔබ ඈත එන හින්දා
බිඟු මාවතේ කියලා කියන්නේ ඒ පාරේ තවත් පෙම්වතුන් සැරිසරන නිසා වෙන්න පුළුවන් . මොකද මේ ගෑණු ළමයා ඒ පාරේ සුවඳ විහිදුවමින් එන නිසා තවත් අය ඒ මල අයිති කරගන්න බලාගෙන ඉන්න නිසා . ඒත් මේ පෙම්වතා තමන්ගේ අදහස ඒ පෙම්වතිය දැනගනියි කියලා තවමත් මග බලාගෙන ඉන්නවා .
බඹරුන් කැකුලින් විමසූ
රහසකි කිසිවෙකු නොඇසූ
බඹරුන් මල් කැකුළු වලින් අහන්නේ රොන් ගන්නද කියලා . ඉතින් මල තලාද නොතලාද රොන් ගන්නේ කියන එක බඹරා ම තමයි තීරණය කරන්නේ . ප්රේමයේ මුල් පියවර විදියට එයාගේ කැමැත්ත විමසීම තමන් වෙනත් අයගෙන් කවදාවත් කරලා නැහැ කියලා තමයි මේ කියන්නේ . බඹරු මල් ගාවට ඇවිත් ගුම් නාදයෙන් ටික මල වටේ කැරකෙන්නේ තමන්ට කැමතිද කියලා කියන රහස අහන එකට කියලා ගීතයේ මෙතන නොකියා කියවෙනවා .
මා කවක් ලියා නැත නමකි ලියූ
ඒ ඔබේ නම මා සැනසූ
කලින් ප්රේම කරලා නැහැ කාටවත් . තමන්ගේ පලවෙනි ප්රේමය තමයි මේ ප්රකාශ කරන්න හදන්නේ . ඒ නිසා පෙම් කව තවම ලියලා නැහැ . පෙම්වතියගේ නම මේ පෙම්වතාව සනසන්න තරම් බලවත් දෙයක් වෙලා තියෙනවා කියලා ගීතයේ අන්තිමටම කියවෙනවා .
පොදුවේ ගත්තම කියවෙන්නේ ප්රේමය ප්රකාශ කරන්න බලාගෙන ඉන්න පෙම්වතෙක් තමන්ගේ ප්රේමය පෙම්වතියට දැනෙන්න ඉඩ දීලා ඒක ඒ පෙම්වතිය ග්රහණය කරගන්නවද කියලා බලාගෙන ඉන්න තත්වයක් මේ ගීතයේ කියවෙනවා කියලා . ඒ නිසා සාහිත්ය අතින් බලනකොට මේ ගීතයේ ව්යංගයෙන් කියන ප්රේමය ප්රකාශ කිරීමක් ඇතුලත් වෙලා තියෙනවා . මේ ගීතය රචනා කරන්නේ ප්රවීන මාධ්යවේදියෙක් වන ස්වර්ණ ගුණවර්ධන මහත්මයා . සංගීතය සහ තනුව නිර්මාණය කරන්නේ රෝහණ වීරසිංහ මහත්මයාගේ . ගායනා කරන්නේ බොහොම ආවේණික කටහඬක් පිහිටලා තියෙන කිත්සිරි ජයසේකර මහත්මයා .
ගීතයේ මුල් සංගීත කොටසේ මේ ගීතයේ කියවෙන ප්රේමය විමසීම සහ අනෙක් පාර්ශවයෙන් ලැබෙයි කියලා හිතන උත්තරය මොකක් වෙයිද කියලා හිතාගන්න බැරි අවිනිශ්චිත බව විශේෂයෙන්ම පෙන්නුම් කරනවා .
පෙම් කවක් ලියනවා මම ආයේ මල් ගහක් ගහක් ගානේ කියලා ඔබ ටිකක් නතර වී බැලුවෝතින් කියන කොටසේ වෙනම ස්වර රචනාවක් අඩංගු වෙන්නේ . ගීතයේ රහම තැනක් වෙනවා ඔබ ටිකක් නතර වී බැලුවෝතින් කියන කොටස . ආයෙත් තියෙන රහම තැනක් වෙන්නේ හමුවීවී හිත මාගේ කියලා කියන දෙවෙනි වතාව . ඒ ස්වර ගැලපුමත් ගීතය කෙනෙක්ට දැනෙන්න යම් බලපෑමක් කරනවා .
ගීතයේ අන්තරා කොටස් දෙකේ දෙවෙනි පේළි දෙක ගීතයේ තවත් සංවේදී අවස්ථා දෙකක් වෙනවා . කොහොම උනත් මිදෝරි මේ ගීතයේ මුල් ස්වර රචනාවේ යම් වෙනසක් කරන විශේෂ තැන් කීපයක් තියෙනවා . ඒ නිසා වෙන්න පුළුවන් මේ ගීතය ශ්රාවකයින් අලුතෙන්ම ආයෙත් වැළඳ ගන්න ඇත්තේ .
පෙම් කවක් ලියනවා කියන එකේ වා කියලා අදින කොටස
ඔබ ටිකක් නතර වී බැලුවෝතින් කියන සම්පූර්ණ කොටසම
හමුවේවි හිත මාගේ කියන කොටස
අන්තරා කොටස්වල පළවෙනි පේලිය සහ අවසන් පේළිය කියන කොටස් .
මෙන්න මේ දේවල් මිනිස්සුන්ගේ හදවතට තදින්ම දැනෙන විදියට මිදෝරි තමන්ගේ හඬ මෙහෙයවලා ගීතයට හානියක් නොකර ගායනා කරනවා . ඒවගේම තමයි සමස්තයක් විදියට බලනකොට ශ්රුතිය පවත්වා ගැනීම අතින් උනත් මේ ගායනය ඉහල තැනක තියෙනවා .
ඉතින් අපි මේ ගීතය ආයේ අහමු . සමහර විට තමන්ගේ අතීත සිදුවීම් උනත් තමන්ට මතක් වෙන්න මේ ගීතය උදව් වෙන්න ඉඩ තියෙනවා .
තවත් ලිපියකින් හමුවෙමු .
ඔබ සැමට සමන් දෙවිඳුගේ පිහිට ලැබේවා !
පලි : සමන් දෙවිඳු කිව්වම මතක් වුණේ . දැන් මගේ කොල්ලෝ දෙන්නා ටික ලොකුයි . ලොකු එක්කෙනාගේ නම දෙවිඳු . එයාලා වෙනුවෙන් කාලය වෙන් කරන්න වුණු නිසා ලියන එක නැවතිලා තිබුණේ . දැන් එයාලා තනියමම වැඩ කරගන්න පුරුදු වෙන නිසා මටත් ටිකක් වෙලාව තියෙනවා . ඉතින් අපිට ආයෙත් ලියන්න කියවන්න පුළුවන් වෙයි ඉස්සරහට .
මේ දවස්වල සමාජ මාධ්ය වල නිතර දකින්න ලැබෙන ගීතයක් විදියට මේ ගීතය ටිකක් ප්රසිද්ධ වෙලා තියෙනවා . ඒකත් ප්රසිද්ධ වෙලා තියෙන්නේ ගීතයේ මුල් ගායක...
Subscribe to:
Comments (Atom)
