සාමාන්‍යයෙන් නිවසක් ඉදි කරනවා කියලා කියන්නේ එසේ මෙසේ කරන්න පුළුවන් ලෙහෙසි පහසු දෙයක් නෙවෙයි . ඉස්සර කාලේ නිවෙස් ගැන සලකා බලනකොට සමහර නිවෙස්වල පරම්පරා ගණනාව අද වෙනකල්ම යහතින් ජීවත් වෙනවා දකින්න පුළුවන් . ඒත් සමහර නිවෙස් අපි දැකලා තියෙනවා ඒවායේ පරම්පරා දෙකක් තුනක් හොඳට ජීවත් වෙලා ඊට පස්සේ ඒ පවුල් අභාවයට ගිහින් තියෙනවා . ඒ නිසා වාස්තු විද්‍යාව කියන්නෙත් ජ්‍යෝතිෂ විද්‍යාව වගේම මනුෂ්‍යයාට බලපෑම් කරන විෂයක් .
ගල්යුගයේ ඉඳලා නිවාස ඉදිකරගෙන පදිංචි වීම දක්වා පැවතගෙන ආව නිවාස ඉදිකිරීමේ කාර්යය අද වෙනකොට නවීන විද්‍යාත්මක සංකල්ප එක්ක මිශ්‍ර වෙලා ඉතාමත් ඉහළ තත්වයකට ඇවිත් තියෙනවා . " වේද " කියලා කියන්නේ බාධා වීමක් හරස් වීමක් කියන තේරුම ඇතුව . වේද දෝෂ කියලා කියන්නේ නිවසේ පවතින වාස්තු සමතුලිතයට බාධා කරන බාහිර සාධක අනුව ඇතිවෙලා තියෙන වාස්තු සංකල්පයක් .
වේද දෝෂ කියන දෝෂ තුන්කල් දක්නා නුවණින් සෘෂිවරු විසින් නිර්මාණය කරලා තියෙන්නේ ඒ දෝෂ කොයි කාලයේ වුණත් කොයි ආකාරයෙන් වුණත් මිනිස්සුන්ට බලපෑම් කරන්න පුළුවන් හැකියාවක් තියෙන නිසා . අද කාලේ පාවිච්චි කරන කොන්ක්‍රීට් සහ කම්බි භාවිතා කිරීම නිසා මේ වාස්තු දෝෂ යම් ප්‍රමාණයකට අඩුවෙලා තියෙනවා . ඒත් ඒවායේ අනිසි බලපෑම යම් යම් ප්‍රමාණ වලින් මිනිස්සුන්ට බලපෑම් කරනවා කියලා අත්දැකීමෙන් හඳුනාගෙන තියෙනවා .
නිවාස ඉදිකිරීමේදී ඇතිවන වේද දෝෂ 15 - මාර්ග වේද දෝෂය කියන ලිපිය යටතේ අපි සාකච්ඡා කරා මාර්ග වේද දෝෂය කියන්නේ මොකක්ද සහ මාර්ග වේද දෝෂය ඇතිවෙන්නේ කොහොමද කියලා . අද ලිපියෙන් කියන්නේ ගණිකා වේද දෝෂය කොහොමද ඇතිවෙන්නේ කියලා .
ගණිකා වේද දෝෂය ඇතිවෙන්නේ නිවසක ප්‍රධාන උළුවස්ස ඉදිරිපිට හෝ ඒ ආසන්නයේ ම ගණිකාවකගේ හෝ ගණිකාවන් ඉන්න නිවසක් තියෙනවානම් . ගණිකා වෘත්තීය අද කාලේ නීතියෙන් ලංකාව තුල තහනම් වුණාට අතීතයේ මේක වෙනමම සේවාවක් විදියට තමයි පැවතිලා තියෙන්නේ . ඒවගේ ස්ථාන ආශ්‍රිතව නිවාස හදන එක හොඳ මදි කියලා තමයි මේ දෝෂයෙන් විස්තර කරන්නේ .
ගණිකා නිවාසයක ඉන්නා ගණිකාවන් නිසා ඇතිවෙන සමාජ පසුබිම එක ගැටළුවක් . ඒවගේම තමයි නිවසේ ඉන්නා පිරිමින් ඒ පැත්තට ඇදිලා යන්න පුළුවන් සහ ඒ නිසා ධනය හානි වෙනවා . ගණිකා නිවාස වලට එන පිරිමි නිසා නිවසේ ඉන්නා කාන්තාවන්ටත් අවදානම් සහගත තත්වයන් ඇතිවෙනවා . මේ සියල්ලම නිසා ගණිකා නිවාස ආශ්‍රිතව නිවාස සෑදීම හොඳ දෙයක් වෙන්නේ නැහැ .
ඒවගේම තමයි දරුවන්ට නිතරම අහන්න දකින්න ලැබෙන්නේ ගණිකා නිවාසයේ ඉන්නා අයගේ කතා සහ ඒ අයව නම් ඒකත් දරුවන්ගේ ඉදිරි ගමනට හොඳක් වෙනවා කියලා විශ්වාස කරන්න පුළුවන් වෙන්නේ නැහැ . ඒ නිසා හොඳම දේ තමයි ගණිකා නිවාස ආශ්‍රිතව නිවාස සෑදීම අතෑරලා දැමීම . ඒවගේ තැනකින් ඉඩමක් වත් ගන්න හොඳ නැහැ කියලා තමයි වේද දෝෂ යටතේ සාකච්ඡා කරන්නේ .
තවත් ලිපියකින් හමුවෙමු .
ඔබ සැමට සමන් දෙවිඳුගේ පිහිට ලැබේවා !!
No comments:
Post a Comment